iNews Malta: Transesswali tilmenta li fuq il-Gozo Channel talbuha tuża t-toilet tal-irġiel

http://www.inewsmalta.com/dart/20121009-transesswali-tilmenta-li-fuq-il-gozo-channel-talbuha-tu-toilet-tal-ir-iel
17:06 | 09.10.2012

Celine, persuna transesswali, irrakkontat waqt il-programm 'Bejnietna' fuq Favourite Channel kif sfat “umiljata” meta fuq il-vapur tal-Gozo Channel kienet mitluba tuża t-toilet tal-irġiel. Minkejja dan fl-istess programm hi tkellmet ukoll dwar kif b'mod ġenerali fis-soċjetà Maltija l-affarijiet bdew jinbidlu għall-aħjar.

Fil-programm Bejnietna, li ddiskuta d-drittijiet ta’ persuni omosesswali Celine qalet: “Ġieli jkun hemm sitwazzjonijiet… ftit ilu kelli nitla’ Għawdex u konna jiena u ħabiba tiegħi transesswali, jiġi membru tal-crew u ppretenda li aħna, jiena u l-ħabiba tiegħi nużaw it-toilet tal-irġiel.”

“Dawn huma affarijiet fejn int tħossok umiljata quddiem in-nies… imma dawn jiġru, peró mhux ta’ spiss almenu lili,” qalet Celine.