14.3.10
Fi ktieb li se jitnieda nhar is-Sibt li ġej, intitolat “Queer Mediterranean Memories”, l-awtur Joseph Carmel Chetcuti jispekula fuq l-orjentazzjoni ta’ San Ġorġ Preca, fatt li mistenni joħloq kontroversja sħiħa f’pajjiżna. Fih anke hemm intervista ma’ membru tal-Malta Gay Rights Movement, fejn jitkellem fuq laqgħa mal-Arċisqof Emeritus Gużeppi Mercieca fejn dan kien qabbel l-omosesswalità mal-bestjalità.
Fl-intervista, dan il-membru tal-Gay Rights Movement jirreferi għal-laqgħa u jgħid li “speċi kellu x’jgħidilna. Beda jqabbel l-omosesswalità mal-ġibda lejn l-annimali, mal-bestjalità u imbagħad beda jgħid li speċi bħal ma anke l-ġibda lejn il-kriminalità. Ma jagħżilhiex hu l-bniedem. Tkun fih. Anke l-ġibda lejn l-annimali.
Jibqa’ mbagħad dawk li minkejja kollox qegħdin juru nuqqas ta’ qbil u oppożizzjoni għal dan il-ktieb. Minkejja li Dr Chetcuti ikkuntattja lil kull min seta’ għax kien se jissemma’ fil-ktieb, kien hemm min qallu li “dak kien fl-imgħoddi. Mhux aħjar inħalluha”. Fi kliem l-awtur stess, “naf li se jkun hawn min ma jaqbilx mal-ktieb għax irid li d-diskussjoni fuq l-omosesswalità f’Malta tibqa’ inviżibbli. Se jkun hemm anke persuni omosesswali li se jitkellmu kontra għax se jħossu li l-attenzjoni tas-soċjetà se ddur fuqhom minħabba l-ktieb. Dawn għadhom ma fehmux li aktar mal-omosesswalità u d-diskussjoni fuqhom tibqa’ inviżibbli, aktar se tkun diffiċli li dawn jakkwistaw l-ugwaljanza”. Hu għamilha ċara li “ma ridt li inweġġa’ lil ħadd. Anzi tajt l-opportunità biex dawk li kienu se jissemmew jagħtu l-veduti tagħhom u jien ippubblikajthom. Ridt li nkun bilanċjat. Biss ma nistax nitkellem fuq l-omosesswalità f’Malta mingħajr ma nispekula u mingħajr ma nsemmi nies. Ridt biss li tinħoloq diskussjoni f’Malta. Nittama li finalment l-omosesswali f’Malta jkollhom l-istess drittijiet li għandhom sħabhom f’ċerti pajjiżi Ewropej. Jispjega li kuntent ħafna li fl-aħħar snin kien hemm bidla sinifikanti f’Malta, dik li l-Kap tal-Partit Laburista, Joseph Muscat, qal li fil-Partit Laburista m’hemmx post għal min irid joħloq diskriminazzjoni fosthom fuq l-orjentazzjoni sesswali.
San Gorg Preca kellu tendenzi omosesswali
Meta wieħed jaqra l-ktieb, jista’ jħossu xxokkjat b’ċertu materjal li jsib fih. Fost dawn hemm dik li l-ewwel qaddis Malti, San Ġorġ Preca, kien ta’ tendenzi omosesswali. l-orizzont staqsa lil Dr Chetcuti dwar dan, u għaliex ħass li kellu jinkludih fil-ktieb.
“Minn hawn se mmur fi Blata l-Bajda biex niġbed ritratt lil San Ġorġ Preca. Biss irrid nagħmilha ċara, għax din hemm min qabad magħha, li fil-ktieb qed nispekula li San Ġorġ Preċa kellu tendenzi omosesswali u mhux li kien omosesswali prattikanti. Din hi differenza fundamentali, li kulħadd irid iżommha f’moħħu.”
Joseph Chetcuti fil-ktieb tiegħu jgħid li “ħafna jiftakru kif San Ġorġ Preca kien jinżel għall-irkobbtejh u jbus is-saqajn tal-istranġieri, att ta’ umiltà biex juri li hu kien is-serv tagħhom. Preca kien anke jbus is-saqajn tas-subien żgħar. Iż-żiju tiegħi Ġuże Chetcuti, kellu xi ħames jew sitt snin, meta Preca kien waqaf quddiemu u bieslu saqajh. Preca kien anke jgħannaq lil dawk li jbusilhom saqajhom.”
“Jien qatt ma ltqajt ma’ San Ġorġ Preca. Rajtu darba biss meta kelli xi għaxar snin. Kont miexi ma’ missieri l-Ħamrun u kien qalli ‘dak Dun Ġorġ Preca’ – li kien bil-qiegħda quddiem daru. Kien fis-sena 2007, eżattament fil-5 ta’ Marzu meta fuq programm tar-radju SBS fl-Awstralja jien smajt il-vuċi ta’ Dun Ġorġ. Fil-programm ixxandret parti minn omelija ta’ Dun Ġorġ. Il-vuċi tiegħu skantati. Imteddejt lura fuq is-sufan lanqas irrid nemmen lili nnifsi. Il-vuċi kienet waħda ta’ mħabba. Kien vuċi li taċċetta u tirrispetta. Jien mill-ewwel għaraftu bħala wieħed minna. Fil-5 ta’ Ġunju fuq ir-radju SBS reġgħu xandru priedka minn ta’ Dun Ġorġ u hawn erġajt ikkonfermajt is-suspetti li kelli. Fis-17 ta’ Lulju ta’ dik l-istess sena kienet saret taħdita f’Parkville, u dakinhar ixxandru partijiet oħrajn minn omeliji u priedki ta’ Dun Ġorġ. Wara t-taħdita jien bdejt nistaqsi lil xi nies, x’jidhrilhom mill-vuċi ta’ Dun Ġorġ. Kollha mingħajr eċċezzjoni, qaluli li ħasbu li l-vuċi kienet ta’ mara anzjana. Wieħed kellu sorpriża għalija fil-kumment tiegħu. Tkellem fuq meta kien jgħix f’Malta u li kien jiftakar kif Dun Ġorġ kien imiss ħafna xagħru.” Joseph Chetcuti jgħid kien hemm min qal li Dun Ġorġ kien jimxi u jmexxi idejh bħan-nisa.
Chetcuti jirrakkonta ukoll kif “Preca għall-bidu kien aċċetta rġiel miżżewġin fis-soċjetà imma wara l-1909, hu ddeċieda li ma jaċċettax aktar irġiel miżżewġin. Kien qal li “ma rridx aktar miżżewġin u romol. Irrid ġuvintur biss”. Chetcuti jgħid li f’okkażjoni oħra qal li jrid ġuvintur biss, “mil-lum ’il quddiem irrid ġuvintur biss, ma rridx kankallerija”.
Fil-ktieb, Chetcuti jikkwota partijiet oħrajn minn diskors ta’ Preca li tgħid li “għandhom ikunu jafu s-soċji: li dawk li beżgħu min-nisa, imxew feliċi fid-doveri tagħhom, u dawk li ma ndukrawx ruħhom minnhom, allavolja kienu kolonni tal-virtù, irrovinaw ruħhom. Għalhekk, il-kumpanija tipprojbixxi kull familjarità, mhux biss man-nisa ta’ kwalunkwè kundizzjoni u ta’ kwalunkwè età li huma barranin, iżda anke li huma ġewwinin, skont il-laħam u d-demm tal-parentela.”
Il-ktieb “Queer of Mediterranean Memories”, isemmi l-ittri ta’ Dun Ġorġ lill-ġuvintur u jgħid li lil dawn kienu jindirizzahom bħala “Għażiż Salvu”, “Għażiż Debattista” u “Għażiż ibni fi Kristu”, waqt li lin-nisa kienu jirreferi għalihom b’isimhom biss u qatt ma jikteb “Għażiża”. Chetcuti jsemmi wkoll ċirkostanza fejn Patri Alessandro Bonniċi, li kiteb l-istorja ta’ Dun Ġorġ, kien ġie mhedded bil-mewt biex ċerti affarijiet ma jinkitbux. Chetcuti jgħid “li qassis Franġiskan li tant kien jammira lil Dun Ġorġ, li ħass li kellu jiddikjara li ġie mhedded, hi disturbanti. Chetcuti jgħid li Bonniċi anke saritlu pressjoni biex ma jiktibx il-verità kollha. Il-ktieb ‘Queer Mediterranean Memories’, jistaqsi x’kien hemm x’jinħeba?”
Drittijiet michudin ghall-'gays' f'Malta
Fil-kummenti tiegħu lil l-orizzont, Joseph Chetcuti jgħid ċar u tond li “s-soċjetà Maltija nbidlet ħafna minn mindu ġejt għall-ewwel darba mill-Awstralja fl-1994. Meta fl-1994 ħadt sehem fuq programm lokali indunajt kemm is-soċjetà kienet għadha magħluqa. Ma kienx hawn edukazzjoni pubblika serja. Ftit li xejn kien hawn persuni ‘gay’ jitkellmu fuq iċ-ċirkostanzi tagħhom, waqt li dawk li kienu jikkritikaw lill-omosesswali kienu qegħdin juru kemm mhumiex informati fuq is-suġġett. Illum il-ġurnata l-affarijiet inbidlu ħafna. Ħafna persuni ‘gay’ bil-mod il-mod ħerġin mill-katakombi li kienu mistoħbijin fih. Qegħdin jiskopru lilhom infushom. Qegħdin jagħmlu t-talbiet tagħhom għad-drittijiet u qegħdin jistennew li jittieħdu bis-serjetà. Qegħdin ikunu kburin bis-sesswalità tagħhom. Qegħdin jitolbu dinjità. Qegħdin jieqfu lil min qed jibbuljahom, fosthom lil dawk li jgħidu li huma ‘n-nies ta’ Alla’ li jiċħdu l-ġenna lill-‘gays’ imma mbagħad jgħattu d-dnubiet ta’ qassisin b’akkużi ta’ pedofelija.”
Il-bars tal-'gays'... u personaggi 'gay'
Joseph Carmel Chetcuti jagħti rendikont dettaljat ħafna tal-ħwienet tax-xorb li kienu jiffrekwentaw persuni omosesswali f’Malta. Isemmi fost oħrajn lil “The Chameleon Club” f’Baħar iċ-Ċagħaq, “The Nix” fil-Balluta, “Diddies” f’Buġibba, “Coronation Bar”, “Tom Bar”, “Dreadnaught” u “Seafarer’s Club” fil-Floriana. Jissemmew bars anke fl-irħula fosthom “Chicago Bar” fil-Għargħur, “Winter Gardens” fil-Gżira, “Feathers” fi Gwardamangia, “The Saints” fl-Imrieħel, “Lucano Bar” fil-Kalkara, “The Grotto Lounge Bar” fil-Kappara, “Lord Nelson” fil-Mosta, u “City of London” u “Falcon Bar” f’San Ġiljan. F’Tas-Sliema kien hemm “Terrick’s Bar”, f’San Pawl il-Baħar kien hemm “Pips Bar” u fil-Belt Valletta kien hemm “The Lantern”. Fix-Xemxija kien hemm l-istabbiliment “Natasha”, fiż-Żurrieq il-bar “Six Pence”, f’Ħaż-Żebbuġ “S Club” u f’Għawdex kien hemm “Tritons” f’Marsalforn u “Sesame” f’San Lawrenz.
F’kapitli oħra l-ktieb isemmi esperjenzi ta’ persuni ‘gay’ u anke jispekula fuq l-orjentazzjoni sesswali ta’ xi wħud. Jissemmew Robert Baden Powell, Dr James Barry, Lord George Gordon Noel Byron, il-Caravaggio, Nigel Dennis, Benjamin Disraeli, Lord Mountbatten, Charles Arrigo, Patrick Attard, Agatha Barbara, Marco Brown, Vivian de Gray, il-Baruni Giuseppe de Piro, John Baptist Francia, Mary il-Boy ta’ Tas-Sliema, Aldo Gatt Aka Gattaldo, Patist u sħabu tar-Rabat Malta, Rosie ta’ Santa Venera, Mabel Strickland u Alfio Testaferrata Boniċi Għaxaq fost oħrajn.
Il-ktieb jitnieda nhar is-Sibt
Il-ktieb “Queer Mediterranean Memories” se jitnieda nhar is-Sibt li ġej, 20 ta’ Marzu fil-Gallerija Libertà fil-Workers Memorial Building fi Triq in-Nofsinhar il-Belt Valletta. Il-ktieb se jitnieda miċ-Ċerpersin tal-Alternattiva Demokratika, Michael Briguglio. S’issa għadu mhux magħruf jekk il-Prim Ministru Lawrence Gonzi, hux se jattendi għal din l-attività.
Zrajt zerriegha... nixtieq min ikompli fuqha
Fil-kummenti tiegħu lil l-orizzont, Joseph Chetcuti jitkellem dwar ix-xewqat tiegħu għall-futur. “Li nixtieq hu li xi ħadd ikompli fuq dak li bdejt jien. Jien żrajt iż-żerriegħa u nixtieq li oħrajn ikomplu jiktbu. Illum hawn ħafna persuni ‘gay’ li kapaċi jiktbu aktar materjal, biex id-diskussjoni tkompli. Nixtieq ukoll li l-partiti politiċi kollha Maltin, jaħdmu biex il-persuni ‘gay’ f’Malta jkollhom id-drittijiet bażiċi li għandhom sħabhom f’pajjiżi Ewropej.”
Fl-intervista, dan il-membru tal-Gay Rights Movement jirreferi għal-laqgħa u jgħid li “speċi kellu x’jgħidilna. Beda jqabbel l-omosesswalità mal-ġibda lejn l-annimali, mal-bestjalità u imbagħad beda jgħid li speċi bħal ma anke l-ġibda lejn il-kriminalità. Ma jagħżilhiex hu l-bniedem. Tkun fih. Anke l-ġibda lejn l-annimali.
“Qalilna imma li trid trażżanha għax hi xi ħaġa li mhix naturali. Hekk ukoll l-omosesswalità u mbagħad beda jgħidilna frażijiet bħal per eżempju, li l-vit jidħol fl-iskorfina u ż-żarbun jintlibes fis-saqajn u mhux fir-ras. Konna nafu li mhux se nbiddlu l-attitudni tal-Knisja iżda ssuġġerejna li fi ħdan il-knisja jkun hemm grupp ta’ nies li huma ‘gay’ u jipprattikaw biex Miktub biex issir diskussjoni…
naraw li jibqgħu jħossuhom parti mill-Knisja ukoll. Hu beda jaqbeż fuq suġġetti oħrajn. Ma riedx jisma’. Kull ma rajna hu li ma kienx interessat jiddiskuti s-suġġett.”
Il-ktieb “Queer of Mediterranean Memories” hu tal-ewwel xorta tiegħu f’Malta, għax għall-ewwel darba qiegħed jikteb l-istorja – sa fejn jista’, tal-omosesswalità f’Malta. Fil-ktieb jingħata rendikont dettaljat ta’ persuni minn kull qasam tas-soċjetà Maltija li kienu omosesswali jew ta’ tendenzi omosesswali.
l-orizzont il-bieraħ tkellmet fit-tul mal-awtur, l-Avukat Joseph Carmel Chetcuti, residenti f’North Carlton f’Victoria fl-Awstralja. Bla dubju ta’ xejn li dan il-ktieb se joħloq għadd ta’ kontroversji. Dan għax l-awtur iżewwaq l-istorja tal-omosesswalità f’Malta sa minn żminijiet imbegħdin u anke jispekula fuq l-orjentazzjoni sesswali ta’ personaġġi magħrufin fosthom San Ġorġ Preca – l-ewwel qaddis Malti. Ma jonqosx li juri ukoll kif f’pajjiżna għad għandna ċerti forzi konservattivi, li jridu li dan is-suġġett jibqa’ lura fid-diskussjoni pubblika. Fir-riċerka tiegħu f’Malta, l-Avukat Chetcuti kien impressjonat bil-mod kif persuni omosesswali ddeċidew li jiftħu qalbhom miegħu u jgħidu l-istorja tagħhom. Mhux hekk biss, imma ħafna minnhom taw għadd kbir ta’ ritratti biex anke jkun jista’ jużahom għal din ir-riċerka.
Jibqa’ mbagħad dawk li minkejja kollox qegħdin juru nuqqas ta’ qbil u oppożizzjoni għal dan il-ktieb. Minkejja li Dr Chetcuti ikkuntattja lil kull min seta’ għax kien se jissemma’ fil-ktieb, kien hemm min qallu li “dak kien fl-imgħoddi. Mhux aħjar inħalluha”. Fi kliem l-awtur stess, “naf li se jkun hawn min ma jaqbilx mal-ktieb għax irid li d-diskussjoni fuq l-omosesswalità f’Malta tibqa’ inviżibbli. Se jkun hemm anke persuni omosesswali li se jitkellmu kontra għax se jħossu li l-attenzjoni tas-soċjetà se ddur fuqhom minħabba l-ktieb. Dawn għadhom ma fehmux li aktar mal-omosesswalità u d-diskussjoni fuqhom tibqa’ inviżibbli, aktar se tkun diffiċli li dawn jakkwistaw l-ugwaljanza”. Hu għamilha ċara li “ma ridt li inweġġa’ lil ħadd. Anzi tajt l-opportunità biex dawk li kienu se jissemmew jagħtu l-veduti tagħhom u jien ippubblikajthom. Ridt li nkun bilanċjat. Biss ma nistax nitkellem fuq l-omosesswalità f’Malta mingħajr ma nispekula u mingħajr ma nsemmi nies. Ridt biss li tinħoloq diskussjoni f’Malta. Nittama li finalment l-omosesswali f’Malta jkollhom l-istess drittijiet li għandhom sħabhom f’ċerti pajjiżi Ewropej. Jispjega li kuntent ħafna li fl-aħħar snin kien hemm bidla sinifikanti f’Malta, dik li l-Kap tal-Partit Laburista, Joseph Muscat, qal li fil-Partit Laburista m’hemmx post għal min irid joħloq diskriminazzjoni fosthom fuq l-orjentazzjoni sesswali.San Gorg Preca kellu tendenzi omosesswali
Meta wieħed jaqra l-ktieb, jista’ jħossu xxokkjat b’ċertu materjal li jsib fih. Fost dawn hemm dik li l-ewwel qaddis Malti, San Ġorġ Preca, kien ta’ tendenzi omosesswali. l-orizzont staqsa lil Dr Chetcuti dwar dan, u għaliex ħass li kellu jinkludih fil-ktieb.
“Minn hawn se mmur fi Blata l-Bajda biex niġbed ritratt lil San Ġorġ Preca. Biss irrid nagħmilha ċara, għax din hemm min qabad magħha, li fil-ktieb qed nispekula li San Ġorġ Preċa kellu tendenzi omosesswali u mhux li kien omosesswali prattikanti. Din hi differenza fundamentali, li kulħadd irid iżommha f’moħħu.”
Joseph Chetcuti fil-ktieb tiegħu jgħid li “ħafna jiftakru kif San Ġorġ Preca kien jinżel għall-irkobbtejh u jbus is-saqajn tal-istranġieri, att ta’ umiltà biex juri li hu kien is-serv tagħhom. Preca kien anke jbus is-saqajn tas-subien żgħar. Iż-żiju tiegħi Ġuże Chetcuti, kellu xi ħames jew sitt snin, meta Preca kien waqaf quddiemu u bieslu saqajh. Preca kien anke jgħannaq lil dawk li jbusilhom saqajhom.”
“Jien qatt ma ltqajt ma’ San Ġorġ Preca. Rajtu darba biss meta kelli xi għaxar snin. Kont miexi ma’ missieri l-Ħamrun u kien qalli ‘dak Dun Ġorġ Preca’ – li kien bil-qiegħda quddiem daru. Kien fis-sena 2007, eżattament fil-5 ta’ Marzu meta fuq programm tar-radju SBS fl-Awstralja jien smajt il-vuċi ta’ Dun Ġorġ. Fil-programm ixxandret parti minn omelija ta’ Dun Ġorġ. Il-vuċi tiegħu skantati. Imteddejt lura fuq is-sufan lanqas irrid nemmen lili nnifsi. Il-vuċi kienet waħda ta’ mħabba. Kien vuċi li taċċetta u tirrispetta. Jien mill-ewwel għaraftu bħala wieħed minna. Fil-5 ta’ Ġunju fuq ir-radju SBS reġgħu xandru priedka minn ta’ Dun Ġorġ u hawn erġajt ikkonfermajt is-suspetti li kelli. Fis-17 ta’ Lulju ta’ dik l-istess sena kienet saret taħdita f’Parkville, u dakinhar ixxandru partijiet oħrajn minn omeliji u priedki ta’ Dun Ġorġ. Wara t-taħdita jien bdejt nistaqsi lil xi nies, x’jidhrilhom mill-vuċi ta’ Dun Ġorġ. Kollha mingħajr eċċezzjoni, qaluli li ħasbu li l-vuċi kienet ta’ mara anzjana. Wieħed kellu sorpriża għalija fil-kumment tiegħu. Tkellem fuq meta kien jgħix f’Malta u li kien jiftakar kif Dun Ġorġ kien imiss ħafna xagħru.” Joseph Chetcuti jgħid kien hemm min qal li Dun Ġorġ kien jimxi u jmexxi idejh bħan-nisa.
Chetcuti jirrakkonta ukoll kif “Preca għall-bidu kien aċċetta rġiel miżżewġin fis-soċjetà imma wara l-1909, hu ddeċieda li ma jaċċettax aktar irġiel miżżewġin. Kien qal li “ma rridx aktar miżżewġin u romol. Irrid ġuvintur biss”. Chetcuti jgħid li f’okkażjoni oħra qal li jrid ġuvintur biss, “mil-lum ’il quddiem irrid ġuvintur biss, ma rridx kankallerija”.
Fil-ktieb, Chetcuti jikkwota partijiet oħrajn minn diskors ta’ Preca li tgħid li “għandhom ikunu jafu s-soċji: li dawk li beżgħu min-nisa, imxew feliċi fid-doveri tagħhom, u dawk li ma ndukrawx ruħhom minnhom, allavolja kienu kolonni tal-virtù, irrovinaw ruħhom. Għalhekk, il-kumpanija tipprojbixxi kull familjarità, mhux biss man-nisa ta’ kwalunkwè kundizzjoni u ta’ kwalunkwè età li huma barranin, iżda anke li huma ġewwinin, skont il-laħam u d-demm tal-parentela.”
Il-ktieb “Queer of Mediterranean Memories”, isemmi l-ittri ta’ Dun Ġorġ lill-ġuvintur u jgħid li lil dawn kienu jindirizzahom bħala “Għażiż Salvu”, “Għażiż Debattista” u “Għażiż ibni fi Kristu”, waqt li lin-nisa kienu jirreferi għalihom b’isimhom biss u qatt ma jikteb “Għażiża”. Chetcuti jsemmi wkoll ċirkostanza fejn Patri Alessandro Bonniċi, li kiteb l-istorja ta’ Dun Ġorġ, kien ġie mhedded bil-mewt biex ċerti affarijiet ma jinkitbux. Chetcuti jgħid “li qassis Franġiskan li tant kien jammira lil Dun Ġorġ, li ħass li kellu jiddikjara li ġie mhedded, hi disturbanti. Chetcuti jgħid li Bonniċi anke saritlu pressjoni biex ma jiktibx il-verità kollha. Il-ktieb ‘Queer Mediterranean Memories’, jistaqsi x’kien hemm x’jinħeba?”
Drittijiet michudin ghall-'gays' f'Malta
Fil-kummenti tiegħu lil l-orizzont, Joseph Chetcuti jgħid ċar u tond li “s-soċjetà Maltija nbidlet ħafna minn mindu ġejt għall-ewwel darba mill-Awstralja fl-1994. Meta fl-1994 ħadt sehem fuq programm lokali indunajt kemm is-soċjetà kienet għadha magħluqa. Ma kienx hawn edukazzjoni pubblika serja. Ftit li xejn kien hawn persuni ‘gay’ jitkellmu fuq iċ-ċirkostanzi tagħhom, waqt li dawk li kienu jikkritikaw lill-omosesswali kienu qegħdin juru kemm mhumiex informati fuq is-suġġett. Illum il-ġurnata l-affarijiet inbidlu ħafna. Ħafna persuni ‘gay’ bil-mod il-mod ħerġin mill-katakombi li kienu mistoħbijin fih. Qegħdin jiskopru lilhom infushom. Qegħdin jagħmlu t-talbiet tagħhom għad-drittijiet u qegħdin jistennew li jittieħdu bis-serjetà. Qegħdin ikunu kburin bis-sesswalità tagħhom. Qegħdin jitolbu dinjità. Qegħdin jieqfu lil min qed jibbuljahom, fosthom lil dawk li jgħidu li huma ‘n-nies ta’ Alla’ li jiċħdu l-ġenna lill-‘gays’ imma mbagħad jgħattu d-dnubiet ta’ qassisin b’akkużi ta’ pedofelija.”
Il-bars tal-'gays'... u personaggi 'gay'
Joseph Carmel Chetcuti jagħti rendikont dettaljat ħafna tal-ħwienet tax-xorb li kienu jiffrekwentaw persuni omosesswali f’Malta. Isemmi fost oħrajn lil “The Chameleon Club” f’Baħar iċ-Ċagħaq, “The Nix” fil-Balluta, “Diddies” f’Buġibba, “Coronation Bar”, “Tom Bar”, “Dreadnaught” u “Seafarer’s Club” fil-Floriana. Jissemmew bars anke fl-irħula fosthom “Chicago Bar” fil-Għargħur, “Winter Gardens” fil-Gżira, “Feathers” fi Gwardamangia, “The Saints” fl-Imrieħel, “Lucano Bar” fil-Kalkara, “The Grotto Lounge Bar” fil-Kappara, “Lord Nelson” fil-Mosta, u “City of London” u “Falcon Bar” f’San Ġiljan. F’Tas-Sliema kien hemm “Terrick’s Bar”, f’San Pawl il-Baħar kien hemm “Pips Bar” u fil-Belt Valletta kien hemm “The Lantern”. Fix-Xemxija kien hemm l-istabbiliment “Natasha”, fiż-Żurrieq il-bar “Six Pence”, f’Ħaż-Żebbuġ “S Club” u f’Għawdex kien hemm “Tritons” f’Marsalforn u “Sesame” f’San Lawrenz.
F’kapitli oħra l-ktieb isemmi esperjenzi ta’ persuni ‘gay’ u anke jispekula fuq l-orjentazzjoni sesswali ta’ xi wħud. Jissemmew Robert Baden Powell, Dr James Barry, Lord George Gordon Noel Byron, il-Caravaggio, Nigel Dennis, Benjamin Disraeli, Lord Mountbatten, Charles Arrigo, Patrick Attard, Agatha Barbara, Marco Brown, Vivian de Gray, il-Baruni Giuseppe de Piro, John Baptist Francia, Mary il-Boy ta’ Tas-Sliema, Aldo Gatt Aka Gattaldo, Patist u sħabu tar-Rabat Malta, Rosie ta’ Santa Venera, Mabel Strickland u Alfio Testaferrata Boniċi Għaxaq fost oħrajn.
Il-ktieb jitnieda nhar is-Sibt
Il-ktieb “Queer Mediterranean Memories” se jitnieda nhar is-Sibt li ġej, 20 ta’ Marzu fil-Gallerija Libertà fil-Workers Memorial Building fi Triq in-Nofsinhar il-Belt Valletta. Il-ktieb se jitnieda miċ-Ċerpersin tal-Alternattiva Demokratika, Michael Briguglio. S’issa għadu mhux magħruf jekk il-Prim Ministru Lawrence Gonzi, hux se jattendi għal din l-attività.
Zrajt zerriegha... nixtieq min ikompli fuqha
Fil-kummenti tiegħu lil l-orizzont, Joseph Chetcuti jitkellem dwar ix-xewqat tiegħu għall-futur. “Li nixtieq hu li xi ħadd ikompli fuq dak li bdejt jien. Jien żrajt iż-żerriegħa u nixtieq li oħrajn ikomplu jiktbu. Illum hawn ħafna persuni ‘gay’ li kapaċi jiktbu aktar materjal, biex id-diskussjoni tkompli. Nixtieq ukoll li l-partiti politiċi kollha Maltin, jaħdmu biex il-persuni ‘gay’ f’Malta jkollhom id-drittijiet bażiċi li għandhom sħabhom f’pajjiżi Ewropej.”
No comments:
Post a Comment