MaltaRightNow: Il-kandidati għall-Parlament Ewropew tal-PN jiltaqgħu mal-MGRM

http://www.maltarightnow.com/Default.asp?module=news&t=a&aid=99812511&cid=19

David BONNELLO 23 ta' Mejju, 2009 14:56 CET Ħames kandidati Nazzjonalisti għall-Parlament Ewropew kellhom laqgħa ma' membri mil-Malta Gay Rights Movement bħala parti mil-proċess ta' konsultazzjoni li għaddej bih bħalissa l-Partit Nazzjonalista. Il-kandidati Simon Busuttil, David Casa, Roberta Metsola Tedesco Triccas, Edward Demicoli u Alex Perici Calascione saħqu li l-Partit Nazzjonalista hu kontra id-diskriminazzjoni fuq bażi ta' orjentazzjoni sesswali. Anzi saħqu dawn il-kandidati il-linja tal-Partit Nazzjonalista tikkundana din il-forma ta' diskriminazzjoni. Huma fakkru li kien il-PN fil-Gvern li daħħal l-ewwel liġijiet kontra diskriminazzjoni fuq bażi sesswali. Filwaqt li qalu li jaqblu li għandu jkun hemm forma ta' diskussjoni dwar il-ko-abbitazzjoni u d-drittijiet li għandu jkun hemm, il-kandidati Nazzjonalisti qalu li huma kontra iż-żwieġ bejn koppji tal-istess sess u anke kontra l-adozzjoni tat-tfal. Il-kandidati saħqu li jista' jkun hemm qbil fuq issues oħra li jaffetwaw ħajjet il-persuni b'orjentazzjoni sesswali differenti. Huma qalu li l-MEPs Nazzjonalisti fl-aħħar ħames snin dejjem ivvuttaw kontra kull tip ta' diskriminazzjoni fuq persuni ta' orjentazzjoni differenti.

----

http://www.maltarightnow.com/Default.asp?module=news&at=Appell+biex+tkun+eliminata+d-diskriminazzjoni&t=a&aid=99805108&cid=19

2008

Appell biex tkun eliminata d-diskriminazzjoni

Annette VELLA 13 ta' Lulju, 2008 16:48 CET

Il-ħidma politika fil-pajjiż għandha tkun fid-direzzjoni li tkun eliminata kull forma ta' diskriminazzjoni.

Jean Pierre Debono, l-Assistent Segretarju Ġenerali tal-Partit Nazzjonalista, qal dan meta s-Sibt indirizza l-ħames edizzjoni tal-Pride March u l-Festival tal-Gays organizzat mill-Moviment għad-Drittijiet tal-Gays. L-attività saret f'Bay Street.

Hu tkellem ukoll dwar ir-rispett lejn id-diversità, l-ugwaljanza u l-inklużjoni u rringrazzja lill-Moviment għall-invit li sar lill-PN biex jattendi għall-attività.

Għall-attività attendew diversi rappreżentanti tal-partiti politiċi fosthom il-Whip tal-Grupp Parlamentari Nazzjonalista David Agius.