L-Orizzont: L-adozzjoni tat-tfal minn persuni LGBT

http://www.l-orizzont.com/news.asp?newsitemid=66472
27.9.10 minn Kevin Mercieca, MOVE Studenti Progressivi

Bejn l-2007 sal-2009, in-numru ta' tfal adot­tati minn barra niżel bi 30%. Waqt li fl-2007 ġew adottati 64 tifel u tifla, fl-2008 dan l-ammont niżel għal 43, u sal-2009 kompla jinżel għal 34. Ir-raguni għal dan ma ġietx speċifikata. F'dawn it-tliet snin jidher ukoll li l-aktar pajjiż popolari mal-Maltin għall-adozzjoni kien ir-Russja, b'63% tat-tfal barranin jinġiebu minn dan il-pajjiż. Warajh kien hemm l-Etjopja b'21% u l-Pakistan b'6%. Għalkemm l-adozz­jo­ni titqies bħala mod iżjed sħiħ kif it-tfal jiġu integrati f'familja, il-'fostering' joffri sos­titut biex it-tfal ikunu jistgħu jesperjenzaw ambjent ta' familja – xi ħaġa li ma tantx tista' ssir faċilment f'orfanatrofju.

Waqt il-programm "Sfera" tal-ġimgħa l-oħra qam argu­ment jaħraq bejn Gabi Cal­leja l-kordinattriċi tal-Malta Gay Rights Movement u Dr Josie Muscat, tabib u politiku li sa ftit xhur ilu kellu wkoll il-partit tiegħu, l-Azzjoni Nazz­jonali. Gabi Calleja hija favur li persuni LGBT( les­bjani, omoseswali, bis-sess­wali u transesswali) jadottaw it-tfal filwaqt li Dr Muscat huwa kontra li persuni LGBT jkollhom dan id-dritt. Fi stat demokratiku kulħadd għan­du dritt għal opinjoni u ħadd ma jista' jimponi liġi­jiet fuq ħaddieħor, iżda f'din il-kwistjoni delikata tal-adozz­joni minn persuni LGBT irridu nkunu realistiċi dwarha. Personalment nif­hem li persuni LGBT se jħos­suhom urtati li ma jkunux jistgħu jrabbu t-tfal għax wara kollox huma nies bħal­na iżda min-naħa l-oħra tif­hem li jekk it-tfal se jgħixu ma' persuni LGBT jista' ma jkollhomx trobbija normali bħalma jkollhom minn fa­milja etorosesswali kif ħalaq­na l-Bambin. Sinċerament bejn naqbel u bejn ma naq­bilx li persuni LGBT jkoll­hom dan id-dritt, skont Gabi Calleja persuni LGBT attwal­ment għandhom dritt irabbu t-tfal għax il-liġi hekk qiegħ­da f'pajjiżna, il-possibbiltà li wieħed ikun ġenitur adottiv f'dan il-mument f'pajjiżna hu ristrett għall-koppji miż­żewġin u għal individwi ta' 'l fuq minn 30 sena mhux miżżewġin irrispettivament jekk ikunux omosesswali jew le. Studji li saru, fil-maġ­ġoranza tagħhom fl-Istati Uniti, jindikaw li l-perċen­twal ta' tfal 'gay' imrobbijin minn koppji tal-istess sess huwa l-istess għal dak ta' tfal imrobbijin minn koppji omosesswali. Dan juri li l-or­jen­tament sesswali ta' dak li jkun ma jiddependix mill-or­jentament sesswali tal-ġeni­turi. Xhieda ta' dan ukoll hu l-fatt li l-maġġoranza ta' per­suni 'gay' trabbew minn ġeni­turi eterosesswali u min­kejja dan l-orjentazzjoni sess­wali tagħhom baqgħet dik omosesswali. Min-naħa l-oħra rridu nifhmu wkoll il-frustrazzjoni tan-nies, fost­hom Dr Josie Muscat li ma jaqblux assolutament li per­suni LGBT qed jingħatalhom dan id-dritt. Hemm diversi raġunijiet li jistgħu jħallu impatt negattiv fuq it-tfal. Immaġinaw tifel jew tifla jgħixu ma' żewġt irġiel. L-omm dejjem hi vitali fil-familja iżda f'dan il-każ l-omm se tkun nieqsa. Jekk naraw sitwazzjoni fejn kopp­ja lesbjana rabbew it-tfal, dawn nistgħu ngħidu li se jkollhom l-istess problema bid-differenza li din id-darba se jkun hemm nieqes il-mis­sier. Illum il-ġurnata kważi kważi anke missier u omm qegħdin jispiċċaw u flokom qegħdin nużaw 'partners'. L-effett psikoloġiku fuq it-tfal jista' jkun wieħed dras­tiku meta dawn jgħixu ma' familja omosesswali, aktar u aktar meta l-maġġoranza tas-soċjetà hi etero­sess­wa­li. Il-partiti politiċi x'qegħdin jagħmlu dwar din il-kwis­tjoni tant kontroversjali? In­ħoss li l-Partit Nazzjonalista baqa' konservattiv u kif jgħi­du bejn il-kliem u l-fatti hemm baħar jikkumbatti fil­waqt li l-Partit Laburista qie­għed jagħti aktar importanza lill-persuni LGBT billi jkun kemm jista' jkun progressiv. Saħansitra hemm l-LGBT Labour. Bla dubju mnalla kien il-Partit Laburista li ssal­vagwarda d-drittijiet tal-'gays' fis-snin 70 meta neħ­ħa l-omosesswalità minn reat kriminali... nistennew u naraw x'se jiġri fil-futur! Tislijiet!